काठमाडौँ । रोल्पाको परिवर्तन गाउँपालिका-३ बागमारा क्षेत्रमा दुई वटा सकेट बम फेला परेका छन् ।
पाछावाङ खोलामा जाली लगाउने प्रयोजनका लागि खन्ने क्रममा मंगलबार बिहान शंकास्पद वस्तु देखिएपछि स्थानीय मजदुरले सुरक्षा निकायलाई जानकारी गराएका थिए ।
सूचना प्राप्त भएपछि नेपाली सेना अन्तर्गत सूर्यदल गण लिबाङबाट बम डिस्पोजल टोली घटनास्थल पुगेको थियो । प्रारम्भिक परीक्षणपछि फेला परेको वस्तु सकेट बम भएको पुष्टि गरिएको सुरक्षा स्रोतले जनाएको छ ।
सुरक्षा निकायका अनुसार ती बम द्वन्द्वकालीन समयमा राखिएको हुनसक्ने अनुमान गरिएको छ ।
